Главоцветни

Article on other languages:

• Сложноцветни
• Asteràcia
• Hvězdnicovité
• Kurvblomstfamilien
• Korbblütler
• Asteraceae
• Korvõielised
• Asteraceae
• Asteracoj
• Asteraceae
• گل‌ستاره‌ای‌ها
• Asteraceae
• 국화과
• Körfublómaætt
• Asteraceae
• מורכבים
• Қашқаргүл_тәрізділер
• Asteraceae
• Astriniai
• Fészkesek
• Composietenfamilie
• キク科
• Kurvplantefamilien
• Korgplantefamilien
• Astrowate
• Asteraceae
• Asteraceae
• Ch'antasqa_tuktuyuq_rikch'aq_ayllu
• Астровые
• Asteraceae
• Nebinovke
• Asterikasvit
• Korgblommiga_växter
• ఆస్టరేసి
• Họ_Cúc
• Papatyagiller
• Айстрові
• نجمان
• Stoelacêyes
• 菊科

Asteraceae Главоцветни Фосилен опсег: Еоцен - денес
Дванаесет различни видови од главоцветните растенија, и тоа од потфамилиите Asteroideae, Cichorioideae и Carduoideae.
Научна класификација
Царство: Растенија Оддел: Цветници Класа: Magnoliopsida Ред: Asterales Фамилија: Asteraceae Берхт. & Ј. Пресл
Потфамилии
Asteroideae Barnadesioideae Carduoideae Cichorioideae Corymbioideae Gochnatioideae Gymnarrhenoideae Hecastocleidoideae Mutisioideae Pertyoideae Stifftioideae Wunderlichioideae
Синоними
Compositae Гисеке Acarnaceae Линк Ambrosiaceae Берхт. & Ј. Пресл Anthemidaceae Берхт. & Ј. Пресл Aposeridaceae Раф. Arctotidaceae Берхт. & Ј. Пресл Artemisiaceae Мартинов Athanasiaceae Мартинов Calendulaceae Берхт. & Ј. Пресл Carduaceae Берхт. & Ј. Пресл Cassiniaceae Sch. Bip. Cichoriaceae Јус. Coreopsidaceae Линк Cynaraceae Спен. Echinopaceae Берхт. & Ј. Пресл Eupatoriaceae Берхт. & Ј. Пресл Helichrysaceae Линк Inulaceae Берхт. & Ј. Пресл Lactucaceae Друде Mutisiaceae Бурнет Partheniaceae Линк Perdiciaceae Линк Senecionaceae Берхт. & Ј. Пресл Vernoniaceae Бурмајст.

Фамилијата на главоцветните или Asteraceae (уште и Compositae, сложеноцветни) е најголема фамилија на цветни растенија по број на видови.

Името Asteraceae е изведено од името на родот Aster, додека Compositae е постаро, но сѐ уште валидно.

Според некои податоци, оваа фамилија брои повеќе од 1600 родови и 23000 видови. Најголеми родови се Senecio (1500 видови), Vernonia (1000 видови), Cousinia (600 видови) и Centaurea (со 600 видови).

Главоцветните растенија се космополитски, но најчести во умерените области и тропските планини. Оваа фамилија содржи неколку видови кои се важен извор на масла за јадење, засладувачки агенси, како и чаеви. Членовите на неколку родови се добро познати во хортикултурата, како георгините и хризантемите. Комерцијалниот вид на сончоглед Helianthus се користи како модел во проучувањето на хибридизацијата, а се проучува и неговата улога во специјацијата.

Систематика

Фамилијата нашироко е призната како дел од редот Asterales. Традиционално, во оваа фамилија се вбројуваа две потфамилии: Asteroideae (или Tubuliflorae) и Cichorioideae (или Ligulifloreae). Последната е парафилетска и денес е поделена на повеќе помали групи (во поновите системи). Следните потфамилии се базирани на систематиката на Panero & Funk (2002), а се појавуваат и во APG системот.

• Barnadesioideae: 9 рода, 93 вида. Јужна Америка, главно на Андите.
• Stifftioideae: Јужна Америка и Азија.
• Mutisioideae: 58 рода, 750 вида. Јужна Америка.
• Wunderlichioideae:8 рода, 24 вида, најмногу во Венецуела и Гвајана
• Gochnatioideae: 4 или 5 рода, 90 вида.
• Hecastocleidoideae: Само Hecastocleis shockleyi. Југозападен дел од САД.
• Carduoideae: 83 рода, 2,500 вида. Космополити.
• Pertyoideae: 5 или 6 рода, 70 вида.
• Gymnarrhenoideae: Само Gymnarrhena micrantha. Северна Африка.
• Cichorioideae: 224 рода, 3,200 вида. Космополити.
• Corymbioideae: Само родот Corymbium со 7 вида.
• Asteroideae: 1,130 рода и 16,200 вида. Космополити.

Четирите потфамилии Asteroideae, Cichorioideae, Carduoideae и Mutisioideae сочинуваат 99% од специфичниот диверзитет на целата фамилија (приближно 70%, 14%, 11% и 3%, соодветно).

Морфолошки карактеристики

Сончогледот (Helianthus annuus) е еден од економски најважните видови во оваа фамилија.

Видовите од оваа фамилија се карактеризираат по тоа што имаат капитулум (глава), потоа инфериорен унилокуларен овариум со еден семенов зачеток и (со неколку исклучоци) фузирани антери кои се распоредени околу устенцето. Капитулумот е специјализирано недетерминирано соцветие кое може да содржи од 1 до илјадници цветови. Цветната секвенца во капитулумот е речиси секогаш од надворешноста кон центарот, т.е. центрипетална. Цветовите лежат на дискот или рецептакулумот, кој претставува едно издолжено стебло кое може да биде рамно, конкавно, конвексно или поретко колумнарно. Дискот и цветовите се опкружени со брактеи или листовидни структури наречени филарии кои колективно образуваат инволукрум. Филариите може да се поредени во еден ред и се еднакви или различни по должина. Повеќето претставници имаат инволукруми со неколку серии на филарии. Кај овие видови, филариите можат да бидат субеквални, при што сите филарии се со еквивалентна должина или имбрикатни. Инволукрумите составени од имбрикатни филарии се најчестите во фамилијата (како кај Cynara cardunculus), каде мултипните серии на филарии се преклопуваат меѓусебно. Кај некои видови, најнадворешните филарии понекогаш претставуваат листови. Рецептакулумот може да е гол или во некои случаи да поседува брактеовидни структури наречени paleae, лушпи или влакна кои го опкружуваат цветот. Инволукрумот може да има различни форми – од цевчести до полусферични.